En ur bourmen war ar gwiad...

En ur bourmen war ar gwiad em eus kavet daou vlog a ro un tamm mat a blas d'ar brezhoneg ha d'ar preder diwar-benn gwirioù pobl Breizh.

Unan anezho zo anvet "Indépendance ou soumission"  , brezhoneg ar blogger zo gant blaz saourus Treger , lemm e bluenn hag e spered awenet gant al lugan "Breizh dieub ha sokialour ! " (lennet em eus se en un tu bennak dija ...). Kaoz zo eus ar re vunud, eus hor bro ( hon bro... ma skrivfen 'veltañ ), kalzig a draoù a gaver war an deskadurezh, an darempredoù etre ar re yaouank hag ar re gozh.Dre aze e ranker tremen evit mont d'e welet : link

Egile zo anvet "Breizhoccitania" bouetet gant ur breizhad harluet e-kostez Nissa evit e studioù.

Ruz flamm eo ar gaoz, ruz tan e soñjoù. Ul live yezh all an hini eo a vez implijet aze. Kalzig  a droidigezhioù a c'heller kaout.

Da skouer : kanaouennoù komunour eus Italia,  met ivez dielfenn emsavadegoù tud yaouank ar bannlevioù , prederiadennoù Einstein diwar-benn ar sokialouriezh, skridoù Giusepe Maj (ur stourmer komunour eus Italia).  Pinvidik eo ! Evit teurel ur sell : link

Marteze e vefe poent dezhañ divadeziñ e vlog....

Ra vo ledanoc'h c'hoazh plas hon mennozhioù war ar genrouedad ! Sulvezh vat deoc'h !